Kargolux Trendyol-la əməkdaşlığa başladı

Trendyoldan sifarişləri necə birbaşa etmək olar?

Türkiyənin ən böyük e-ticarət şirkəti olan Trendyoldan sifarişlərinizi birbaşa olaraq artıq Kargolux vasitəsi ilə edə bilərsiniz. 

Trendyol və Kargolux əməkdaşlığı 

Trendyolun logistika əməkdaşı olan Kargoluxla artıq birbaşa olaraq Türkiyədən sifarişlərinizi Azərbaycana edə, Kargoluxun filial və məntəqələrindən bağlamalarınızı götürə bilərsiniz.

Beləliklə, həm Türkiyə, həm də Azərbaycan ünvanı üçün Trendyoldan sifarişlərinizi Kargolux ilə əldə edə biləcəksiniz.

Trendyoldan birbaşa Azərbaycana sifariş qaydası

1. Trendyol tətbiqi açıldıqdan sonra ilkin ekranda "Azərbaycandan birbaşa al" seçiminin üzərinə klikləyin. Alternativ olaraq, “Hesabım” səhifəsindən ölkəni Azərbaycana dəyişməklə sifarişlərinizə davam edə bilərsiniz.
   
   
   

2. Görünən ünvan məlumatı səhifəsində ünvanını hərtərəfli doldurduğundan əmin olun. Əgər məlumatlarınız tam deyilsə, düzgün şəkildə bütün məlumatları müvafiq xanalara doldurun.
   
   

3. Artıq Türkiyənin ən böyük onlayn ticarət markasından alış-verişə etməyə başlaya bilərsiniz. Almaq istədiyiniz məhsulları seçin və səbətə əlavə edin. Bu zaman Trendyoldan sifariş olunan məhsulların Azərbaycana uyğunluğunu yoxlamağı unutmayın, çünki bəzi mağazalar Azərbaycan bazarında mövcud olduğu üçün birbaşa sifarişlərdə çatdırılma üçün əlçatan deyil.
   
   
   
   Əgər məhsulunuz Türkiyədən sifariş üçün uyğundursa, ölçü, rəng və digər detalları dəqiqləşdirib səbətə əlavə edin.
   
   

4. Daha sonra “Səbətim” bölməsinə gedərək səbəti təsdiq edin. Açılan pəncərədə adres məlumatlarının doğruluğunu yoxlayın.
   
   

5. Məlumatlarınızı yoxladıqdan sonra sonrakı səhifəyə keçid edin. “Teslimat Bilgisi” səhifəsində sifarişinizi təhvil alacağınız ünvanı dəqiqləşdirin.
   
   Burada sizə ən yaxın Kargoluxa məxsus "Gəl al" ünvanlarını seçməlisiniz.
   
   
   
   “Gel al” nöqtəsi nədir?
   
   “Gel al” nöqtəsi açılan pəncərədə göstərilən ünvanlardır. Bu ünvanlar arasından Kargoluxa aid olan məntəqələri seçməklə, Trendyoldan sifarişinizi bizim filiallarımızdan əldə edə bilərsiniz.
   
   

Sifarişinizi bitirmək üçün ödəniş məlumatlarını təsdiqləyin. Ödənişi etdikdən sonra sifarişiniz yola düşməyə hazır olacaq.

Birbaşa sifarişlərdə gömrük bəyənnaməsi

Sifarişlərimi gömrüyə nə zaman bəyan etməliyəm?

Sifarişiniz Kargoluxun xarici anbarına daxil olarkən sizə Kargolux tərəfindən bu haqda mesaj daxil olacaq. e.customs.gov.az ünvanına və ya Smart Customs tətbiqinə daxil olmaqla məhsulu bəyan edə bilərsiniz.

Sifarişiniz xarici anbara daxil olduqdan sonra maksimum 24 saat ərzində sizə bildiriş göndəriləcək.

Gömrük bəyanı necə edilir?

1. e.customs.gov.az ünvanına və ya Smart Customs tətbiqinə daxil olun

2. Sadələşdirilmiş Bəyannamə - Elektron Ticarət bölməsini seçin

3. Bəyannaməni seçdikdən sonra şəxsi məlumatlarını doldurun

4. Bağlamaya daxil olan məhsul və ya əşyaları əlavə edin

5. İnvoys qiymətinin düzgünlüyünə və məhsul sayına diqqət edin

6. Bəyannamənin təsdiqini tamamlayın

7. Əlavə rüsum tələb olunarsa, onlayn olaraq ödənişi tamamlaya bilərsiniz.
   

Azərbaycan gömrük qanunvericiliyinə görə xaricdən ayda cəmi 300 ABŞ dolları məbləğinədək alış-veriş üçün gömrük rüsumu tutulmur.

Trendyoldan Azərbaycana birbaşa sifarişlər hansı müddətə çatdırılır?

Azərbaycana birbaşa sifarişlər, adətən, 6 iş günü ərzində çatdırılır. Lakin bu müddət birbaşa olaraq Türkiyədaxili çatdırılma şirkətindən və sizin gömrük bəyanınızdan asılı olaraq dəyişə bilər.

Türkiyədən sifarişlərin çatdırılması üçün Kargolux hər gün reys təşkil edir. Bununla da Kargolux məhsulunuzu mümkün ən qısa zamanda sizə təhvil verir.

Sifariş etdiyiniz məhsulun məlumatlarında “Kargom Nerede” düyməsinə klik etməklə açılan səhifədə bağlamanızın hansı mərhələdə olduğunu izləyə bilərsiniz. Həmçinin gömrük bəyanından sonra bağlamanızı Smart Custom mobil tətbiqi və ya e.customs.gov.az ünvanından da izləyə bilərsiniz.

Çadırılma üçün əlavə məbləğ tələb olunurmu?

Kargoluxla Trendyoldan sifarişlərdə heç bir əlavə ödəniş tələb olunmur. Daha ucuz kargo seçimi olan birbaşa sifarişlərdə ödəniş yalnız Trendyol tətbiqi daxilində edilir və hazırda 60 TL təşkil edir. 

İlk sifarişlərinizdə kampaniyadan yararlanmaqla məhsulunuzu ödənişsiz olaraq Azərbaycan ünvanınızdan ala bilərsiniz.