Trendyol-da Türkiyə ünvanını necə təsdiqləmək olar?
Trendyol-dan sifariş verməzdən əvvəl hesabınıza Kargolux-un Türkiyə ünvanını əlavə etmək və onu təsdiqləmək lazımdır. Proses iki tətbiq arasında gedir: ünvan məlumatlarını Kargolux-dan götürür, Trendyol-a daxil edir, sonra yenə Kargolux-dan aldığınız SMS kodu ilə təsdiqləyirsiniz.
Aşağıda bütün prosesi üç mərhələyə böldük.
https://www.instagram.com/p/Dacp8uBl1uE
Mərhələ 1. Kargolux-dan Türkiyə ünvanını götürün
Hər şey Kargolux tətbiqindən başlayır - göndəriş üçün lazım olan bütün məlumatlar burada hazır şəkildə sizi gözləyir.
Addım 1 - "Xarici ünvanlarım" bölməsinə daxil olun
Kargolux tətbiqini açın və aşağıdakı menyudan Profil bölməsinə keçin. "Bağlamalar" başlığı altında "Xarici ünvanlarım" sətrinə toxunun.
Addım 2 - "Türkiyə" variantını seçin
Burada sizə təyin olunmuş bütün xarici anbar ünvanları sıralanır - İspaniya, Türkiyə və digərləri. Trendyol sifarişi üçün Türkiyə variantını seçin.
Addım 3 - Ünvan məlumatlarını və əlaqə nömrəsini kopyalayın
Qarşınıza tam ünvan kartı açılır: ölkə, ad-soyad, ünvan, qısa kod (LUX ilə başlayan şəxsi identifikatorunuz), şəhər, ilçə və ünvan başlığı. Hər sətrin sağında kopyalama ikonu var.
Qısa kodunuza xüsusi diqqət yetirin. LUX ilə başlayan bu kod paketin anbarda məhz sizin adınıza bağlanmasını təmin edir. Kod olmadan göndərilən bağlamanın sahibini müəyyən etmək çətinləşir.
Mərhələ 2. Ünvanı Trendyol hesabınıza əlavə edin
Məlumatlar əlinizdədirsə, növbə Trendyol tərəfinə gəlir.
Addım 4 - "Hesab parametrlərim" bölməsini açın
Trendyol tətbiqinə keçin, aşağı sağdan Hesabım bölməsinə daxil olun və "Hesabım" başlığı altındakı "Hesab parametrlərim" sətrinə toxunun.
Addım 5 - "Ünvanlarım" variantına keçid edin
Açılan siyahıda "Ünvanlarım" seçimini tapın və ona daxil olun. Buradan yeni ünvan əlavə edə bilərsiniz.
Addım 6 - Məlumatları daxil edib yadda saxlayın
Kargolux tətbiqindən kopyaladığınız məlumatları müvafiq xanalara yerləşdirin:
Ünvan sətrini yazarkən LUX kodunuzu ünvanın əvvəlinə əlavə etməyi unutmayın. Məlumatları yoxlayıb yadda saxlayın.
Mərhələ 3. SMS kodu ilə ünvanı təsdiqləyin
Ünvanı yadda saxladıqdan sonra Trendyol telefon nömrəsinin təsdiqini istəyəcək. Ekranda "Güvenlik Doğrulaması" səhifəsi açılır və geri sayım başlayır. Bu mərhələdə tələsmək lazımdır — kodu vaxtında daxil etmək üçün dərhal Kargolux-a keçin.
Addım 7 - Kargolux-da "SMS Onay kodum" bölməsinə keçin
Kargolux tətbiqinə qayıdın, yenidən Profil bölməsini açın və "Bağlamalar" başlığı altındakı "SMS Onay kodum" sətrinə toxunun.
Addım 8 - Göstərilən kodu kopyalayın
Ekranda Trendyol üçün göndərilmiş 6 rəqəmli təsdiq kodu görünəcək. "Kodu kopyala" düyməsinə basın - yuxarıda "Kopyalandı" bildirişi çıxacaq.
Addım 9 - Kodu Trendyol-da daxil edin
Trendyol-a qayıdın, kodu "Onay Kodu" xanasına yapışdırın və "Onayla" düyməsinə basın. Ünvanınız təsdiqləndi.
Bu qədər. Ünvan bir dəfə təsdiqləndikdən sonra Trendyol-dan sifariş verərkən sadəcə həmin ünvanı seçmək kifayətdir.
